Mae dail yr hydref wedi bod yn syrthio o’r coed ac yn casglu ar hyd waliau a pherthi yn ein bwthyn gwyliau y mis hwn. Mae mantell o niwl ar y mynyddoedd ac mae anadl y ddraig yn loetran yn y dyffrynoedd. Mae’r clociau wedi cael eu troi yn ol, mae tanau yn cael eu cynnau ac mae’r rhew cyntaf wedi cyrraedd. Ond mae ein bwthyn gwyliau bob amser yn gynnes a chroesawgar!
Daw mis Tachwedd, yr unfed mis ar ddeg, rhwng gwefr y pwmpenni a chyffro’r Nadolig a’r teimlad ‘na bod 2024 ar fin cyrraedd! Beth ydych chi’n edrych ymlaen ato yn 2024?
Ein bwthyn gwyliau ym mis Tachwedd
Cyfwerth llun a llith, medden nhw. Felly’r mis hwn rydw i’n rhannu mwy o luniau na geiriau er mwyn gweld sut mae pethau yn ein bwthyn gwyliau ym mis Tachwedd.
Ein bwthyn gwyliau yn y nos
Mae’r dyddiau’n byrhau, felly mae mwy o amser i edrych ar y ser. Mae rhai o’r wybrennau tywyllaf yn Ewrop yn y Mynyddoedd Cambrian. Ar noson glir, bydd myrdd o ser yn goleuo’r ffurfafen.
A blaze of green, red and purple in the night sky
“Winter to bring te best northern light displays for 20 years,” scientists say
Guardian 06/11/2023
Efallai eich bod yn gwybod bod Goleuni’r Gogledd i’w weld yn fwy aml yn y ffurfafen. Mae pobl yn y Mynyddoedd Cambrian wedi bod yn ddigon ffodus i’w gweld ar bedwar achlysur eleni ac maen nhw wedi eu gweld nhw gyda’r llygad noeth.
Rydym yn awr yn cyrraedd y penllanw yng nghylch Goleuni’r Gogledd, cylch o 11 mlynedd. Felly os hoffech chi weld neu dynnu llun o’r ffenomenon naturiol hwn, dewch i aros yn ein bwthyn gwyliau. Bydd ap Aurora Watch UK yn rhoi’r manylion diweddaraf i chi ynglyn a phryd i weld Goleuni’r Gogledd.
https://www.skyatnightmagazine.com/space-science/what-causes-the-aurora
Argaeledd mis Rhagfyr yn ein bwthyn gwyliau
Oherwydd bod pobl wedi canslo yn ddiweddar, mae dwy noson ar gael o Ragfyr 27 – 29. Felly os ydych chi’n chwilio am le i ddianc ar ol hwyl y Nadolig, dewch i swatio yn y Mynyddoedd Cambrian. Gallai Cae’r Beili fod yn berffaith i chi gyda theithiau cerdded di ri o’r drws, decor gwych a digonedd o lonydd a phreifatrwydd. Beth amdani?